ᓇᕿᓪᓗᒋᑦ ᐊᑖᓃᑦᑐᑦ ᑐᕌᕐᕖᑦ ᑕᑯᔪᒪᒍᕕᒋᑦ ᐃᓄᓕᒫᕐᓄᑦ ᓄᐃᑕᔪᑦ ᐊᑐᐃᓐᓇᐅᔪᑦ ᐊᑐᐊᒐᐃᑦ ᐊᒻᒪᓗ ᒪᓕᒃᑕᐅᔭᕆᐊᖃᓲᑦ ᐱᖅᑯᓰᑦ ᕿᑎᖅᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᓐᓂ:

ᓄᑖᑦ ᓄᓇᐃᑦ ᐊᐅᓚᑕᐅᓂᖏᓐᓄᑦ ᐊᑐᐊᒐᐃᑦ

ᕿᑎᖅᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ ᖁᕕᐊᓱᒃᐳᑦ ᑐᓴᖅᑎᑦᑎᓂᖅ ᐊᖏᖅᑕᐅᓯᒪᓂᖏᓐᓂᒃ ᐱᖓᓱᑦ ᓄᑖᑦ ᐊᑐᐊᒐᐃᑦ ᐊᐅᓚᑦᑎᔾᔪᑎᒃᓴᓄᑦ ᐅᔭᕋᖕᓂᐊᕐᓂᓕᕆᔪᓂᒃ, ᔪᕇᓂᔭᒻᓕᕆᔪᓂᒃ ᓄᖑᔪᐃᑦᑐᓕᖕᓂᒃ, ᐊᒻᒪᓗ ᓴᓗᒻᒪᖅᓴᖅᑕᐅᓂᖏᓐᓂᒃ ᐱᓕᕆᐊᒃᓴᐃᑦ ᐊᕕᒃᑐᖅᓯᒪᓂᖏᓐᓂ. ᑖᒃᑯᐊ ᓄᑖᑦ ᐊᑐᐊᒐᐃᑦ ᑐᑭᓯᓇᑦᑎᐊᖅᑐᒥᒃ ᐊᒻᒪᓗ ᑐᑭᓕᐅᖅᑕᐅᓯᒪᑦᑎᐊᖅᑐᓂᒃ ᒪᓕᒐᐅᕗᑦ ᐊᔩᖃᑎᒌᖕᓂᕐᒧᑦ ᐱᒋᐊᖅᑎᑕᐅᔪᒪᓇᔭᖅᑐᓂᒃ ᕿᓂᕈᒪᔪᓂᒃ ᐊᒻᒪᓗ ᐅᔭᕋᖕᓂᐊᕈᒪᔪᓂᒃ ᐊᕕᒃᑐᖅᓯᒪᓂᖓᓂ.

ᐊᑐᖅᑕᐅᓗᐊᖅᑕᐃᓕᒪᔪᓂ ᓄᓇᓂ/ᐃᒪᕐᓂ ᐃᓄᐃᑦ ᐊᒃᑐᖅᑕᐅᓯᒪᓂᖏᓐᓄᑦ ᐃᑲᔫᐊᒃᓴᖏᓐᓄᑦ ᐊᖏᕈᑎᑦ ᐊᑎᓕᐅᖅᑕᐅᕗᑦ

ᕿᑎᖅᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ ᖁᕕᐊᓱᒃᐳᑦ ᑐᓴᖅᑎᑦᑎᓂᖅ ᑭᖑᓪᓕᖅᐹᕐᒥᒃ ᐊᑎᓕᐅᖅᑕᐅᓯᒪᓂᖓᓂᒃ ᐊᑐᖅᑕᐅᓗᐊᖅᑕᐃᓕᒪᔪᑦ ᓄᓇᐃᑦ/ᐃᒪᐃᑦ ᐃᓄᐃᓪᓗ ᐊᒃᑐᖅᑕᐅᓯᒪᓂᖏᓐᓄᑦ ᐃᑲᔫᓯᐊᒃᓴᓄᑦ ᐊᖏᕈᑎᑦ ᐊᑎᓕᐅᖅᑕᐅᓚᐅᕐᒪᑕ ᐋᑐᕚᒥ. ᑖᒃᑯᐊ ᐊᖏᕈᑏᑦ ᐱᔪᓐᓇᐅᑕᐅᓂᐊᖅᑐᑦ ᐃᓄᖕᓂᒃ ᓄᓇᑖᖃᑕᐅᓯᒪᔪᓂᒃ ᐃᑲᔪᖅᑕᐅᔪᓐᓇᕐᓂᖅ ᐳᓚᕋᑦᑐᓕᕆᓂᕐᒥᒃ, ᐃᖃᓇᐃᔭᕐᓂᒃᑯᑦ, ᓇᖕᒥᓂᖅᑖᕐᓂᒃᑯᑦ, ᐊᒻᒪᓗ ᐃᓕᖅᑯᓯᑐᖃᓕᕆᓂᒃᑯᑦ ᐱᕚᓪᓕᕈᑎᒃᓴᓂᒃ ᐃᓕᑕᕆᔭᐅᓯᒪᔪᓂᒃ ᐊᑐᖅᑕᐅᑕᐃᓕᒪᔪᓂ ᓄᓇᓂᒃ/ᐃᒪᕐᓂᒃ.