ᐃᓅᓯᕐᒧᑦ ᐃᓵᒃᓯᒪᓂᖅ ᐅᓪᓗᖓᓂ

ᓯᑎᐱᕆ 10−ᒥ ᓄᓇᕗᒻᒥ ᐃᓅᓯᕐᒥᒃ ᐃᓵᒃᓯᒪᓂᕐᒧᑦ ᐅᓪᓗᕆᔭᐅᕗᖅ ᐊᒻᒪᓗ ᓯᓚᕐᔪᐊᕐᒥ ᐃᖕᒥᓃᖅᑎᑦᑎᑕᐃᓕᒪᓂᕐᒧᑦ ᐅᓪᓗᕆᔭᐅᓪᓗᓂ. ᕿᑎᖅᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ ᐱᓕᕆᑎᑦᑎᓲᖑᕗᑦ ᐃᓅᓯᕐᒧᑦ ᐃᓵᒃᓯᒪᒋᒻᒥᒃ ᐅᓪᓗᖓᓂᒃ ᓱᕈᓘᔭᖅᑎᑕᐅᓪᓗᑎᒃ ᑕᒪᐃᓐᓂᑲᓴᒃ ᕿᑎᖅᒥᐅᑦ ᓄᓇᖏᓐᓂ ᐊᕕᒃᑐᖅᓯᒪᓂᖏᓐᓂᓗ. ᐃᓱᒪᒋᔭᐅᓪᓗᑎᒃ ᐱᐅᔪᓂᒃ ᑐᓴᕐᓂᖅᑐᓂᒃ ᑐᓴᒐᒃᓴᖃᕐᓂᕐᒥᒃ ᐊᒻᒪᓗ ᐱᖃᑕᐅᔪᓐᓇᖁᓪᓗᒋᑦ ᐃᑲᔪᖅᑕᐅᔾᔪᑎᒃᓴᓂᒃ ᐊᑐᒐᒃᓴᓂᒃ, ᐊᓯᖏᓐᓂᓗ ᓄᓇᓕᖕᓂ ᑲᑐᔾᔨᖃᑎᒌᖕᓂᒃ, ᑐᑭᓯᓇᑦᑎᐊᖅᐳᑦ ᑐᓴᒐᒃᓴᖏᑦ: “ᐃᓄᓯᖅ ᖁᕕᐊᒋᓕ” ᐅᐱᓗᑎᓪᓗ ᑭᓇᐅᓂᕐᓂᒃ.

ᑭᓪᓕᓂᖅᒥ ᖁᑦᑎᖕᓂᖅᓴᓂᒃ ᐃᓕᓐᓂᐊᕐᕕᖕᓂ ᓄᓇᓕᖕᓂ ᓯᕗᓕᐅᖅᑏᑦ, ᐃᓐᓇᑐᖃᐃᑦ, ᐊᒻᒪᓗ ᐃᖕᒥᓃᕋᓱᐊᖅᓯᒪᑦ ᐃᓚᖏᓪᓗ ᐱᖃᓐᓇᕆᔭᖏᓪᓗ ᐅᖃᐅᓯᖃᖃᑦᑕᖅᐳᑦ ᐃᓕᓐᓂᐊᖅᑎᓄᑦ ᐊᒃᓱᕈᑎᒋᓯᒪᔭᕕᓂᕐᒥᓂᒃ, ᖁᕕᐊᓱᖏᑦᑐᐊᓘᓯᒪᓂᖏᓐᓂᒃ ᐊᒻᒪᓗ ᐃᑲᔪᖅᓱᖅᑕᐅᔪᓐᓇᕐᓂᖏᓐᓂᒃ ᓄᓇᓕᖕᓂ. ᐅᓂᒃᑳᕋᓂᖕᒪᑕ, ᓇᑉᐸᓪᓗᐊᖏᑦ ᐃᖃᓗᒃᑐᑦᑎᐊᕐᒥᐅᑕᐃᑦ ᐃᓚᐅᓚᐅᖅᑐᑦ ᐱᓱᖃᑎᒌᒃᑐᓂ ᓄᖃᖃᑦᑕᖅᓱᑎᒃ ᐊᔾᔨᒌᖏᑦᑐᓂ ᓄᓇᓕᖕᓂ ᑲᑐᔾᔨᖃᑎᒌᖕᓂ ᑐᐊᕕᕐᓇᖅᑐᓕᕆᔨᐅᔪᓂᒃ ᐃᑲᔪᖅᑎᓂᒃ ᐊᒻᒪᓗ ᐃᖕᒥᓂᖅᑎᑦᑎᑕᐃᓕᒪᖃᑕᐅᕙᒃᑐᓂᒃ ᓲᕐᓗ ᐊᓐᓂᐊᕐᕕᖕᒥ, ᐅᖁᒪᐃᓐᓂᓐᓂᐊᕐᕕᖕᒥ ᐊᒻᒪᓗ ᐸᓕᓯᒃᑯᓐᓂ. ᑕᒪᐃᓐᓂ ᓄᖃᕐᕕᐅᔪᓂ ᐃᓚᐅᔪᑦ ᑐᓂᔭᐅᓚᐅᖅᑐᑦ ᐸᐸᑕᐅᔪᒃᓴᓂᒃ ᐱᐅᔪᓂᒃ ᑐᓴᒐᒃᓴᖃᖅᑐᓂᒃ ᐊᒻᒪᓗ ᐊᑐᑎᖃᑦᑎᐊᖅᑐᓂᒃ ᖃᐅᒪᔭᐅᔪᒃᓴᓂᒃ. ᐱᓱᐊᓂᖕᒪᑕ ᓯᓚᒥ ᐆᑦᑎᓚᐅᖅᐳᑦ ᓂᕿᓂ ᐃᖃᐅᒪᔭᐅᖁᔨᓪᓗᑎᒃ ᑐᓴᒐᒃᓴᓂᒃ ᐅᓪᓗᖓᓂ: “ᐃᓅᓯᖅ ᖁᕕᐊᓲᑕᐅᓕ” ᐅᖃᓪᓚᒃᑎᑕᐅᓪᓗᑎᒡᓗ ᓯᕗᓕᐅᖅᑎᐅᔪᑦ ᐃᓐᓇᑐᖃᐃᓪᓗ, ᐃᓕᑕᕆᔭᐅᓪᓗᑎᒡᓗ ᐃᑲᔪᖅᑎᐅᔪᑦ ᓄᓇᓕᖕᓂ ᐊᒻᒪᓗ ᑐᓂᔭᐅᓪᓗᑎᒃ ᓵᓚᒃᓴᐅᓯᐊᕈᑎᑦ.

. ᑕᐃᒪᐃᓕᐅᖅᓯᒪᖕᒥᔪᑦ ᑕᓗᕐᔪᐊᓂ, ᑯᒑᕐᔪᖕᒥ, ᐅᖅᓱᖅᑐᕐᓂ ᖁᕐᓗᖅᑐᕐᒥᓗ ᒥᑭᓐᓂᖅᓴᐅᔪᒥᒃ ᐊᒻᒪᓗ ᐱᓱᖃᑎᒋᒃᓱᑎᒃ. ᖁᕕᐊᓇᖏᑦᑐᒻᒪᕆᐊᓗᖕᒦᓐᓂᕈᕕᑦ ᓴᐱᓕᖅᓯᒪᑦᑎᐊᕈᕕᓗᓐᓃᑦ ᐊᒥᓲᒻᒪᕆᐊᓗᐃᑦ ᐃᓄᐃᑦ ᑎᒥᖁᑎᒋᔭᐅᔪᓪᓗ ᓄᓇᔅᓯᓐᓂ ᐃᓕᖕᓂᒃ ᐃᑲᔪᕈᓐᓇᖅᐳᑦ, ᐃᑲᔪᖅᑕᐅᔪᒪᓚᐅᕆᑦ.

ᑐᓴᐅᑎᓕᐅᕈᑎᑎᒍᑦ ᒪᒃᑯᒃᑐᓐᓂᒃ ᓯᕗᓕᐅᖅᑎᐅᓂᕐᒥᒃ ᐃᓕᓐᓂᐊᖅᑎᑕᐅᓂᖅ

ᐊᔾᔨᓕᐅᕈᑦ

ᒪᐃ 2007−ᖑᑎᓪᓗᒍ, 16−ᖑᔪᑦ ᒪᒃᑯᒃᑐᑦ ᕿᑎᖅᒥᐅᓂ ᐃᓕᓐᓂᐊᖅᑎᑕᐅᓚᐅᖅᑐᑦ ᑐᓴᐅᒪᔾᔪᑎᒃᓴᓕᕆᓂᓕᕐᒥᒃ ᓴᓇᕐᕈᑎᓂᒃ ᐊᒻᒪᓗ ᒪᒃᑯᒃᑐᑦ ᓯᕗᓕᐅᖅᑎᐅᓂᖏᓐᓂᒃ. ᐃᓚᐅᓚᐅᖅᑐᑦ ᐃᓕᓐᓂᐊᓚᐅᖅᑐᑦ ᒪᑯᓂᖓ ᓲᕐᓗ ᐅᓂᒃᑳᓕᐅᖅᐸᓪᓕᐊᓂᕐᒥᒃ, ᐊᐱᖅᓱᕈᓐᓇᕐᓂᕐᒥᒃ ᐃᓄᖕᓂᒃ, ᑕᕐᕆᔭᐅᓯᐅᕐᓂᕐᒥᒃ ᓄᖃᖓᔪᓂᒃ ᐊᔾᔨᐅᓕᐅᕆᓂᕐᒥᒃ, ᓇᑭᑎᕆᓂᕐᒥᒃ, ᐊᒻᒪᓗ ᑕᕆᐅᔭᐅᑎᖑᖅᑎᑦᑎᓂᕐᒥᒃ. ᐊᐱᖅᓱᖅᑕᐅᓪᓗᑎᒃ ᐃᓐᓇᑐᖃᐃᑦ, ᑕᒪᐃᓐᓂ ᓄᓇᓕᖕᓂ ᓄᓇᒥᓗ, ᐃᓚᐅᓚᐅᖅᑐᑦ ᑐᑭᓯᕚᓪᓕᖅᑐᒻᒪᕆᐅᓚᐅᖅᑐᑦ ᐃᓅᓂᕐᒥᓂᒃ ᐊᒻᒪᓗ ᖃᐅᔨᕚᓪᓕᖅᓱᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᓯᕗᓕᐅᖅᑎᐅᓂᕐᒥᒡᓗ.

ᑲᑎᒪᓂᖏᓐᓂ ᐃᓚᐅᓚᐅᖅᑐᑦ ᓄᓇᒥᖃᑕᐅᓪᓗᑎᒃ ᐃᓐᓇᑐᖃᐃᑦ ᒪᒃᑯᒃᑐᓪᓗ ᐅᕙᔪᕐᒥ, ᐃᓚᐅᔪᑦ ᐆᒃᑐᕋᓚᐅᖅᓱᑎᒃ ᓄᑖᓂᒃ ᑐᓴᐅᒪᑎᑦᑎᔾᔪᑎᓂᒃ ᐊᔪᕈᓃᖅᓯᒪᔭᖏᓐᓂᒃ. ᐃᓐᓇᑐᖃᐃᑦ ᒪᒃᑯᒃᑐᓪᓗ ᐃᓚᐅᓚᐅᖅᑐᑦ ᐊᐱᖅᓱᖅᑕᐅᔪᓂ ᐱᔾᔪᑎᖃᖅᑐᓂᒃ ᐱᒻᒪᕿᐅᔪᓂᒃ ᐱᕕᖃᖃᑦᑕᕆᐊᖃᕐᓂᖅ ᓄᓇᒥ ᐃᓕᓐᓂᐊᕐᓗᑎᒡᓗ ᐃᓕᖅᑯᓯᑐᖃᕐᓂᒃ, ᐊᐅᓛᕐᓂᕆᔭᐅᕙᓚᐅᖅᑐᓂᒃ, ᓄᓇᐃᑦ ᐊᑎᑐᖃᖏᓐᓂᒃ, ᓯᕗᓕᐅᖅᑎᐅᓂᕐᒥᒃ ᐊᒻᒪᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᒃ.

ᐃᓕᓐᓂᐊᖅᑎᑕᐅᔪᑦ ᑲᑎᒪᓗᑎᒃ ᑲᔪᓯᑦᑎᐊᖅᑐᒻᒪᕆᐊᓘᓚᐅᖅᐳᑦ ᕿᑎᖅᒥᐅᑦ ᐃᓄᐃᑦ ᑲᑐᔾᔨᖃᑎᒌᒋᑦ ᐱᓂᐊᕐᓂᕆᓪᓗᑎᒃ ᐊᑐᒃᑲᓐᓂᕈᒪᓂᖅ ᒪᒃᑯᒃᑐᓂᒃ ᐃᓚᐅᑎᑦᑎᓂᕐᒥᒃ ᐃᓕᖅᑯᓯᑐᖃᕐᒥᓄᑦ, ᐅᖃᐅᓯᑐᖃᕐᒥᓄᓪᓗ ᐊᑐᕐᓂᕐᒧᑦ. ᐊᑐᖅᑕᐅᓪᓗᑎᒃ ᓄᑖᑦ ᓴᓇᕐᕈᑕᐅᓕᖅᑐᑦ ᓲᕐᓗ ᖃᕆᑕᐅᔭᐃᑦ, ᐊᔾᔨᓕᐅᕈᑎᑦ, ᖃᕆᑕᐅᔭᒃᑯᓪᓗ ᐅᖓᓯᒃᑐᖅᓯᐅᑏᑦ, ᒪᒃᑯᒃᑐᑦ ᐱᒻᒪᕆᐊᓗᖕᒥᒃ ᐃᓚᐅᔪᓐᓇᖅᓯᒪᔪᑦ ᐸᐸᑦᑎᕙᓪᓪᓕᐊᓂᕐᒥᒃ ᐱᔪᒻᒪᕆᖕᓂᒃ ᓇᖕᒥᓂᕆᖃᑕᐅᔭᑦᑎᓐᓂᒃ. ᐊᔾᔨᓕᐊᖑᓯᒪᔪᓂᒃ ᑕᑯᔪᒪᓐᓂᕈᕕᑦ, ᑕᑯᓂᐊᕐᓂᐊᖅᐸᐃᑦ ᐅᓇ ᐅᕐᓂᒃᑕᐅᕝᕕᒃ: http://www.youtube.com/watch?v=DL8axjlCyeg

ᐊᕕᒃᑐᖅᓯᒪᓂᕐᒥ ᒪᒃᑯᒃᑐᑦ ᐃᓕᓐᓂᐊᖅᑎᑕᐅᓂᖏᑦ ᑲᑎᒪᓪᓗᑎᒃ

ᐊᔾᔨᓕᐅᕈᑦ 2

ᑲᔪᓯᓯᒪᑦᑎᐊᓚᐅᕐᓂᖏᓐᓄᑦ ᐊᔾᔨᓕᐅᖅᕈᑦ ᓯᕗᓪᓕᖅᐹᖅ, ᕿᑎᖅᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ ᑲᔪᓯᑎᑎᓚᐅᕐᒥᔪᑦ ᐊᕕᒃᑐᖅᓯᒪᓂᕐᒥ ᒪᒃᑯᒃᑐᓄᑦ ᓯᕗᓕᐅᖅᑎᐅᓂᕐᒧᑦ ᐃᓕᓐᓂᐊᕐᓂᕐᒥᒃ ᐃᖃᓗᒃᑐᑦᑎᐊᕐᓂ ᒫᔾᔨ 2008−ᖑᑎᓪᓗᒍ. ᐃᓱᒪᒋᔭᐅᓪᓗᑎᒃ ᑐᓴᐅᒪᑎᑦᑎᔾᔪᑎᒃᓴᓂᒃ ᐊᑐᕈᓐᓇᕐᓂᖅᒥᒃ ᐊᔪᕈᓐᓂᖅᓴᖅᑕᐅᓂᖏᑦ ᐊᒪᓗ ᒪᒃᑯᒃᑐᑦ ᓯᕗᓕᐅᖅᑎᐅᔭᕆᐅᖅᓴᑎᑕᐅᓂᖏᓐᓄᒃ, 23−ᖑᔪᑦ ᕿᑎᖅᒥᐅᑦ ᒪᒃᑯᒃᑐᑦ ᐃᓚᐅᓚᐅᖅᑐᑦ ᐱᓇᓱᐊᕈᓯᓕᒫᖅ ᐃᓕᓐᓂᐊᖅᑎᑕᐅᔪᓂ. ᓈᓚᖕᓂᐊᖅᐳᓯ ᓄᑖᓂᒃ ᑐᓴᒐᒃᓴᓂᒃ, ᐊᔾᔨᐊᓕᐊᓂᒃ, ᑕᕐᕆᔭᐅᑎᓕᐊᖑᓯᒪᔪᓂᒡᓗ.

ᐃᓄᐃᓐᓇᖅᑐᓐ ᕿᓚᐅᔾᔭᖅᑎᑕᐅᔪᑦ

. ᕿᑎᖅᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦᑕ ᓄᓇᑕᖃᑕᐅᓯᒪᔪᓕᕆᔨᒃᑯᖏᑦᑕ ᐃᖃᓇᐅᔭᕐᕕᖓᓐᓂᒃ, ᐃᓚᖃᖅᓱᑎᒃ ᕿᑎᖅᒥᐅᑦ ᐱᖁᑎᑐᖃᖏᓐᓂᒃ ᑲᑐᔾᔨᖃᑎᒌᖕᓂᒃ, ᑲᓇᑕᒥ ᓴᓇᐅᒐᓕᐅᕐᓂᕐᒧᑦ ᑲᑎᒪᔨᕐᔪᐊᕐᓂᒃ, BHP−ᑯᑦ ᑕᐃᒪᓐᓯᐅᖅᑎᖏᓐᓂᒃ ᐊᒻᒪᓗ ᑕᐃᕕᒃᑯᓐᓂᒃ, ᕿᓚᐅᔾᔭᕆᐅᖅᓴᑎᑦᑎᓚᐅᖅᑐᑦ ᐆᒻᒪᖅᑎᑕᐅᒃᑲᓐᓂᖁᓪᓗᒋᑦ ᐃᓄᐃᓐᓇᖅᑐᓐ ᐃᖏᓯᐅᑎᑦ ᒧᒥᕈᑏᓪᓗ, ᐃᓚᐅᑎᑕᐅᓪᓗᑎᒃ 13−ᖑᔪᑦ ᐃᓐᓇᑐᖃᐃᑦ ᖁᕐᓗᖅᑐᕐᒥᒃ, ᐃᖃᓗᒃᑐᑦᑎᐊᕐᓂᒃ ᐊᒻᒪᓗ ᐅᓗᒃᕼᐊᖅᑐᖅᒥᒃ, ᐊᒻᒪᓗ ᐃᖃᓇᐃᔭᖅᑎᖏᓐᓂᒃ ᕿᑎᖅᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᐊᒻᒪᓗ ᕿᑎᖅᒥᐅᑦ ᐱᖁᑎᑐᖃᖏᓐᓂᒃ ᑲᑎᒪᔨᓂᒃ.

ᐃᓕᓐᓂᐊᖅᓂᑎᑕᐅᔪᓂ ᖃᐅᔨᓂᐊᖅᓚᐅᖅᑐᑦ ᑎᑎᕋᖅᑕᐅᓪᓗᑎᒡᓗ/ᓂᐱᓕᐅᖅᑕᐅᓪᓗᑎᒃ ᐱᒻᒪᕆᐅᓂᖃᕐᓂᖏᑦ ᐃᖏᐅᑎᑦ ᒧᒥᕈᓰᓪᓗ ᐃᓄᐃᑦ ᐃᓕᖅᑯᓯᖏᓐᓂ ᐊᒻᒪᓗ ᐅᓂᒃᑳᖅᑐᐊᖏᓐᓂ, ᐱᓗᐊᖅᑐᒥᒃ ᐃᓱᒪᒋᓗᒋᑦ ᐃᓕᖅᑯᓯᑐᖃᐃᑦ ᖃᓄᕐᓗ ᐱᕙᓪᓕᐊᓯᒪᖕᒪᖔᑕ ᐱᖓᓱᓂᒃ ᐃᓄᐃᓐᓇᖅᑎᑐᑦ ᐅᖃᖅᑐᓂ ᓄᓇᓕᖕᓂ ᕿᑎᖅᒥᐅᓂ. ᖃᐅᔨᓴᖅᓱᒋᑦ ᐊᔾᔨᒌᖏᓐᓂᖏᓐᓂᒃ ᒧᒥᕈᓯᖏᑦ ᐊᒻᒪᓗ ᐃᖏᐅᓯᖏᑦ, ᐊᓐᓄᕋᖏᓪᓗ ᒧᒥᕈᑏᑦ ᐊᒻᒪᓗ ᐱᓂᖅᓴᐅᓇᓱᐊᕐᕈᑎᑦ ᓄᓇᓕᖕᓂ ᐊᑐᓂ, ᐃᓕᓐᓂᐊᖅᑐᑦ ᑲᑎᖅᓱᐃᑦᑎᐊᖅᑐᐊᓘᓚᐅᖅᐳᑦ ᐅᓂᒃᑳᒐᒃᓴᑦᑎᐊᕙᒻᒪᕆᐊᓗᖕᓂᒃ ᖃᖓᓂᑕᕐᓂᒃ ᐸᐸᑕᐅᓯᒪᔪᓂᒃ ᐃᓕᖅᑯᑐᖃᕐᓂ ᓯᕗᓂᒃᓴᒧᑦ ᐃᓅᔫᒪᕐᒥᔪᓄᑦ.

ᐱᒻᒪᕆᐊᓗᐃᑦ ᑕᐃᔅᓱᒪᓂᓂᑕᐃᑦ ᐱᔭᓪᓕᐊᓯᒪᓂᖏᑦ ᐊᒻᒪᓗ ᐱᖅᑯᓯᕆᔭᖏᑦ ᐃᓄᐃᓐᓇᐃᑦ ᐃᖃᐅᒪᔭᐅᑦᑎᐊᕈᓐᓇᕐᓂᐊᖅᑐᑦ ᐊᒥᓱᓂᒃ ᐊᔾᔨᓕᐅᖅᑕᐅᓯᒪᓂᖏᓐᓂᒃ ᐊᒻᒪᓗ ᐊᒥᓱᓂᒃ ᐃᑲᕐᕋᓂᒃ ᓂᐱᓕᐅᖅᑕᐅᓯᒪᓂᖏᓐᓄᑦ ᑕᕐᕆᐅᓯᐅᖅᑕᐅᓯᒪᓂᖏᓄᓪᓗ ᓯᑕᒪᓂᒃ ᐅᓗᓂᒃ ᐃᓕᓐᓂᐊᓚᐅᖅᑐᓂ. ᕿᑎᖅᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ ᓯᕗᒧᑦ ᑕᐅᑐᖕᓂᐊᖅᐳᑦ ᐱᓕᕆᖃᑎᖃᒃᑲᓐᓂᕈᒪᓂᖅ ᐃᓚᒥᓂᒃ ᓴᖏᓂᖅᑖᕈᑕᐅᒃᑲᓐᓂᕐᓂᐊᖅᑐᓂᒃ ᖃᖓᓂᑕᕐᓂᒃ ᐱᕙᓪᓕᐊᔪᑐᖃᕐᓂᒃ ᐸᐸᑦᑎᓂᕐᒥᒃ ᐊᒥᓱᓂᒡᓗ ᐃᓚᒋᔭᐅᔪᓂᒃ ᐃᓕᖅᑯᑐᖃᑦᑎᓐᓄᑦ.

ᐊᕕᒃᑐᖅᓯᒪᓂᐅᔪᓂ ᐃᓐᓇᑐᖃᐃᑦ ᒪᒃᑯᒃᑐᓪᓗ ᓄᓇᒦᑎᑕᐅᓂᖏᑦ ᐅᒥᖕᒪᖅᑐᕐᒥ ᕼᐃᐅᕿᑦᑕᕐᒥ/ᕼᐃᒐᕕᖕᒥ

ᕿᑎᖅᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ ᑲᑎᒪᑎᑦᑎᓚᐅᕐᔪᑦ ᑐᒡᓕᐹᕆᔭᐅᔪᒥᒃ ᐊᕕᒃᑐᖅᓯᒪᓂᐊᓂ ᐃᓐᓇᑐᖃᐃᑦ ᒪᒃᑯᒃᑐᓪᓗ ᐊᐅᔭᒃᑯᑦ ᐊᐅᓪᓚᖅᓯᕕᖓᓐᓂᒃ, ᓄᑖᕐᒥᒃ ᐆᒪᔪᖃᕐᕕᖑᖅᑎᑕᐅᓂᐊᖅᑐᒥᒃ ᕼᐃᒡᒐᕕᖕᒥ ᐊᒻᒪᓗ ᕼᐃᕿᑕᑉ ᑰᖓᓂ, 50 ᑭᓛᒥᑕᓂᒃ ᐅᖓᓯᖕᓂᓕᒃ ᐅᒥᖕᒪᒃᑐᕐᒥᒃ. ᐅᖅᓱᐊᖅᑐᒻᒪᕆᐅᓲᖅ ᑕᒪᓐᓇ ᐃᒪᖓ ᐊᒻᒪᓗ ᑐᐊᐸᔭᓂᒃ ᐅᔭᕋᓛᔪᖅ, ᕼᐃᒡᒐᕕᒃ ᐱᑕᓕᒻᒪᕆᐊᓘᕗᖅ ᐃᓕᖅᑯᓯᑐᖃᖅᓯᐅᑎᓂᒃ, ᐱᐅᔪᕐᔪᐊᒻᒪᕆᐊᓘᓪᓗᓂ ᑕᖕᒫᕐᕕᒃᓴᐅᓂᕐᒧᑦ. 52−ᖑᓪᓗᑎᒃ ᐃᓐᓇᑐᖃᐃᑦ, ᒪᒃᑯᒃᑐᑦ, ᐊᐅᓪᓛᖅᑎᑦᑎᔩᓪᓗ, ᐱᓕᕆᓚᐅᖅᐳᑦ ᑐᒃᑐᓯᐅᖅᓱᑎᒃ, ᓇᑦᑎᖅᓯᐅᖅᓱᑎᒃ, ᕿᓯᓕᕆᓪᓗᑎᒃ]/ᐊᒥᓕᕆᓪᓗᑎᒃ, ᑭᑲᕙᓕᕿᓪᓗᑎᒃ, ᐅᓗᓕᐅᖅᓱᑎᒃ, ᒥᖅᓱᖅᓱᑎᒃ, ᐊᐅᓛᕈᑎᓕᕆᓪᓗᑎᒃ, ᐸᐅᖓᖅᑕᖅᓱᑎᒃ, ᐅᓂᒃᑳᖅᑐᐊᖅᓱᑎᒃ ᐊᒻᒪᓗ ᕿᓚᐅᔾᔭᖅᑐᓄᑦ ᒧᒥᖅᓱᑎᒃ.

ᐃᖃᐅᒪᓂᖏᓐᓂᒃ ᐃᓐᓇᑐᖃᐃᑦ, ᑕᑯᓂᐊᖅᑕᐅᖃᑦᑕᖅᓱᑎᒃ ᐊᐅᓛᖅᓯᒪᕝᕕᕝᕕᓂᑦ ᐊᒻᒪᓗ ᐱᖁᑎᕕᓂᐅᔪᑦ ᑕᐅᕙᓂ ᐃᓂᕕᓂᕐᓂᖏᑦᑐᑦ ᖃᐅᔨᓴᖅᑕᐅᓪᓗᑎᒃ, ᐃᓚᐅᓚᐅᖅᑐᑦ ᐃᓕᑉᐸᓪᓕᖅᑐᒻᒪᕆᐊᓗᓛᐅᖅᐳᑦ ᐃᓕᖅᑯᓯᑐᖃᕐᓂᒃ ᐃᓅᓯᕆᔭᐅᓯᒪᔪᓂᒃ, ᓄᓇᒥᒃ, ᐊᒻᒪᓗ ᓄᓇᒥᐅᑕᑐᖃᕐᓂᒃ. ᐃᓚᖏᓐᓂ ᐃᓐᓇᑐᖃᕐᓂ, 30−ᖑᓯᒪᕗᑦ ᐊᕐᕋᒍᐃᑦ ᓈᓯᒪᓕᖅᑐᑦ ᑭᖑᓪᓕᖅᐹᕐᒥ ᑕᑯᓚᐅᖅᓯᒪᓕᖅᑕᖏᓐᓂᒃ ᓄᓇᐃᑦ ᑕᐅᕙᒃᑯᐊ, ᑕᒪᕐᒥᒃ ᖁᕕᐊᓱᒃᑐᒻᒪᕆᐅᓚᐅᖅᑐᑦ ᕼᐊᓕᑳᑉᑕᒃᑯᑦ ᑕᑯᓂᐊᕋᒥᒃ ᐅᒫᔪᖃᕐᕕᖑᖅᑎᑕᐅᔪᒪᔪᒥᒃ. ᐃᓚᒋᔭᐅᓚᐅᖅᑐᑦ ᔨᐊᕝ ᑲᓛᒃᒧᑦ ᐊᒻᒪ ᓵᓐ ᖁᓕᑦᑕᑦᓈᕐᒧᑦ ᖁᕐᓗᖅᑐᒥ ᐊᕙᑎᓕᕆᔨᒃᑯᖏᓐᓂᒃ, ᓄᓇᐃᑦ, ᓄᓇᒥᐅᑕᐃᓪᓗ ᐃᖃᓇᐃᔭᕐᕕᖓᓐᓂᒃ.